Kurutziaga ikastolako jolas parke berria apirilaren 21ean inauguratuko dute

Kurutziaga ikastolako jolas parke berria apirilaren 21ean inauguratuko dute
Argazkia: Lehior Elorriaga

Apirilaren 21ean ekitaldi berezi bat egingo dute Kurutziaga ikastolan. Jolas eremu itxuraldatua eta Haur Hezkuntzako eraikin berria inauguratuko dituzte, 11:30ean hasiko den ekitaldian. Jolas parkea herritar orori zabaldua izango da, udalagaz egindako hitzarmenari esker.

 

Jolas eremu berria lau urteko barne prozesu baten emaitza da, eta hiru balioren gainean eraiki dute: genero berdintasuna, parte-hartzea eta naturaren integrazioa. Horrela, oinezko ibilbideak, errekaxtoak, egurrez landutako tramankuluak eta berdeguneak ditu espazioak, besteak beste. Gainera, udalak egindako lur lagapenari esker 10.000 metro karratura handitu da eremua. 

Aurten, gainera, 50 urte bete dira ikastolaren sorreratik. "Hasierako ilusio berarekin jarraitzen dugu hezkuntza berdinzaleago eta naturarekiko errespetuzkoago baten alde", esan dute oharrean.

Durangorako parke berri bat
Ikastolakoagaz, Durangok parke berri bat edukiko du eskura. Udalak iaz onartu zuen lurra lagatzeko hitzarmena, PP ez beste guztiek aldeko botoa emanda. EAJ eta PSE-EEren gobernuko arduradunak ikastolan egon dira proiektua ezagutzen, eta oharra bidali dute balioa emateko. "Gobernu taldeak, proiektu inklusibo eta berritzaile hau goraipatu du, mutilak patioen jabe diren eta neskak baztertuta geratzen diren eredu tradizionalarekin apurtzen duena". Udalak beste hainbat espaziotan ere genero ikuspegia txertatuko du, plan baten bidez.

 

Erlazionatuak

Tren bagoiak jarri dituzte Kurutziagako jolasgunean

Durango

Kurutziaga ikastolako kanpo espazioan eta Haur Hezkuntzako eraikinean obretan daude. Jolastokian tren bagoi bi jarri dituzte liburutegi eta jolasgu...
Kurutziaga ikastolako jolasgunea eraberritu eta herrira zabaldu gura dute

Durango

Kurutziagak jolasgunea berrituko du datorren ikasturterako, hezkidetza, natura eta partaidetza oinarri hartuta. Adibidez, mutilek espazioan duten p...
Kurutziaga Ikastolako langile ohiei omenaldi hunkigarria egin diete, 50. urteurrenean

Durango

Kurutziaga Ikastolako 65 langile ohiri omenaldi hunkigarria egin diete, gaur. Irakasle jubilatuek, langile ohiek, ikasleek, gurasoek eta irakasleek...