Kurutziaga Ikastolako 65 langile ohiri omenaldi hunkigarria egin diete, gaur. Irakasle jubilatuek, langile ohiek, ikasleek, gurasoek eta irakasleek aitortza ekitaldian bat egin dute. Ekimen honekin, 50. urteurreneko egitaraua abiatu dute. Ikastolako langile ohien eta sortzaileen lanari esker ikastolak mende erdi bete duela nabarmendu du Jon Elorrieta ikastetxeko presidenteak. 'Bizitzeko hezi' goiburua jarri diote 50. urteurrenari.