Udalak garatutako obrak amaierara heltzen daude. 104.000 euro (BEZ barik) inbertitu dituzte horma gehienak botatzeko, sasitzak garbitzeko, lorategiak atontzeko, bankuak ipintzeko... Horrela, beste parke bat edukiko dute durangarrek, herriaren erdigunean gainera.
Aitziber Irigoras alkateak eta Pilar Rios zein Mari Jose Balier alkateordeek eman dute notiziaren berri parkean bertan. Hirigintza eta Berdintasun arloen artean lan egin dute proiektuan, eta horregatik, berdintasuna zeharkakotasunez beste arloetan lantzearen adibide dela nabarmendu dute.
"Txapuzak"
Parke horretan, EH Bilduk auzolanak egin zituen birritan, itxita egon den gunearen egoera salatu egta herrira zabaltzeko asmoz. Irigorasek esan du haiek "txapuzak" izan zirela, eta gobernu taldearen lanari balioa eman dio.
