Martxoak 31

Makiak gogoan hartuko dituzte Martxoaren 31ko ekitaldietan

Aitziber Irigoras Durangoko alkateak eta Jon Irazabal Gerediagako kideak bonbardaketaren 77. urtemugako ekitaldien berri eman dute. Martxoaren 26an 'La guerrilla de la memoria' pelikula eskainiko dute, eta Francisco Martinez 'Quico' maki ohiak parte hartuko du.

Martxoaren 31n 77 urte beteko dira Gerra Zibilaren baitan italiar faxistek Durango eta Elorrio bonbardatu zituztenetik. Durangon hainbat egunez iraun zuen erasoak, eta 330 herritar baino gehiago hil zituzten sarraski hartan. Urtero hainbat ekitaldi antolatzen dituzte gertakari hura gogoratzeko.

Handik urte bira Francok gerra amaitutzat eman zuen eta 40 urtetan luzatu zen diktadura zabaldu zen. Baina, errepublikazale batzuek mendira jo eta erresistentzian jarraitu zuten. Makiak ziren. Aurtengo ekitaldietan, besteak beste, borrokalari horiek hartuko dituzte gogoan. Leongo (Gaztela, Espainia) Francisco Martinez Quico maki ohia La guerrilla de la memoria pelikulako protagonista da, eta orduko bizipenak kontatuko ditu. Ostean mahai-ingurua ere egingo dute. Eguaztenean 19:00etan izango da ekitaldia, San Agustin kulturgunean.

Bestalde, ohiko ekitaldiak ere iragarri dituzte. Urtemugan bertan, hilaren 31n, erasoaren biktimekiko oroimen ekitaldi zibila garatuko da Andra Mariko elizpean, 20:00etan. Gerediagak eta Kriskitin dantza taldeak antolatu dute. Bertan, Juanito Gallastegi abadeak egingo du lore eskaintza. Bere amagaz batera bonbaketatik ihes egiten zuenekoa da bere bizitzako lehenengo akordua. Eguerdiko 12:00etan udalak antolatutako ekitaldi instituzionala egingo dute kanposantuan. Urtero lez, ez erasoaren biktimen omenez, Gerra Zibilaren biktima guztien omenez baizik.

Gazteekin tailerrak egingo dituzte, eta Leire Bilbaok Gerrak ez du izenik liburuan oinarritutako bideo-irakurtaldia eskainiko du martxoaren 30ean, San Agustinen, 18:00etan. Irigorasek esan du "hurrengo belaunaldiei ondarea esku-aldatzea" dela euren helburua, oroimena landu eta berriro ez gertatzeko norabidean.

Erlazionatuak

Oroimena bizirik martxoaren 31n

Durango

Atzo ekitaldi bi egin ziren; eguerdian kanposantuan udalak sustatuta, eta iluntzean Andra Marin, Gerediaga Elkarteak antolatuta. Hunkigarria izan ...
Martxoak 31 gogoan

Erabiltzailearen aurpegia

2007an Durangoko Uladarekin elkarlanean egindako dokumentala.
77 urte pasatu dira sarraski hartatik

Durangaldea

Goizean, 08:30 aldera hasi ziren lehenengo bonbardaketak 1937ko martxoaren 31 hartan. Durangon 336 pertsona hil ziren, Elorrion 10 lagun hil zirela...
Kanpaikadekin batera, 'Doinuzahar' abesbatzaren emanaldia

Durango

Domekan, Martxoaren 31ko bonbardaketa oroitzeko kanpaikadak joka daudela hasiko du kontzertua Doinuzahar abesbatzak Andra Mariko elizan.
“Durangoko bonbardaketaren egileak gorriak izan zirela zioen propaganda faxistak”

Durangaldea

Juanito Gallastegi abadeak 3 urte zituen 1937ko martxoaren 31n. Bonbardaketa da bere umetako lehenengo oroitzapena. Iñaki Gorritxategik, berriz, se...
Francisco Martinez 'Quico': “Herri honi memoria eta identitatea lapurtu diote”

Durango

Francisco Martinez ‘Quico’ (Leon, 1925) Bierzo inguruko gerrillan aritu zen, maki izenagaz ezagunak egin ziren gerrilletako baten. Gerra amaitu zen...
Martxoak 31 eta durangarrak

Erabiltzailearen aurpegia Berriz

Zelan izan liteke Durangok bizi izandako genozidioak eta suntsipenak hain oihartzun gutxi izatea durangarren artean?
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.