Hemeretzi musika talde, Durangaldeko hamarnaka musikari gazte igaro dira 2012an Lokaletik At ekimena martxan ipini zutenetik hona, Durangoko Platerueneko oholtzatik. Ekimenaren helburua bertako talde hasiberri eta gazteei zuzenean aritzeko aukera eskaintzea da, eta eskualdeko zein inguruko taldeek ere zabalik izan dituzte Platerueneko ateak. Durangaldeko Krome, The Mockers, Pixontxis, Sugoi, En clave de dos, 11 ikusteko jaioak, Orion Child eta Damudot taldeek jo dute, esaterako, aurreko urteetako saioetan.
Lokaletik At ekimenean jo gura duten musika talde gazteek kultura@plateruena.net helbidera idatzita eman dezakete izena. Horrela egin zuten, urtarrilaren 24an bertan ariko diren Baghdad eta Amorru taldeko kideek ere.
