San Agustin kulturgunean eguazten arratsaldean egindako ekitaldian Artetsu sariak banatu zituen Arbaso elkarteak.
Artisautzaren alde egindako lanari errekonozimendua eta esker ona erakustea helburu dituen Artetsu sariak banatu zituzten atzo. Iñaki Alberdik jaso zuen bizi osoko dedikazioari eskainitako saria. Makilagile irundarra hunkituta eta esker oneko agertu zen. Laster jubilatu egingo da eta Beñat semeak hartuko dio erreleboa.
Euskara sustatzearen aldeko saria Fernan Ruizek jaso zuen; ‘Erakunde laguna’ saria Urduñako Udalari eta Olaran elkarteari eman zioten; hedabideei dagokiona El Correok jaso zuen eta tradizioa sustatzean egindako lanarena BBKko Gizarte Ekintzako Jose Ignacio Urgoiti Etxebarriak.
Atzoko ekitaldia iazko Euskal Dendako posturik onenak saritzeko ere erabili zuten. Publikoaren botorik gehien Igor Obesorenaren ‘Argia badago’ postuak lortu zituen. Arbasoren saria Alex Gonzalezen Loitz Keramika-k jaso zuen.
Artetsu saria jaso zuten saritu guztiak batera
Durangoko San Agustin kulturgunean egin zuten sari banaketa
Iñaki Alberdi: \'Bizitza osoko dedikazioari\' saria jasotzen
Fernan Ruiz: \'Euskara sustatzeari\' emandako saria jasotzen
Urduñako Udala eta Urduñako Olaran elkartea: \'Erakunde laguna saria\' jasotzen. Iñaki Cuadra, Jon Solaun eta Goyo Moreno irudietan.
BBK Gizarte Ekintzako Jose Ignacio Urgoiti: \'Gure tradizioak hedatzea\' saria jasotzen
Arbasoren ustez posturik onenari saria: Alex Gonzalezen Loitz Keramika
El Correo egunkariko Yolanda Ruiz hedabideei dagokien saria jasotzen
Iazko Euskal Dendako posturik onena bertaratu ziren bisitarien ustez: Igor Obesonaren \'Argia badago\'