Durango Ilarduyak 15-19 galdu zuen etxean.
Durango Ilarduyak eta Madrilgo Arkitekturak jokatutako partidan, madrildarrentzat izan zen norgehiagoka (15-19). Ohorezko B Mailari eusteko promozioari dagokion joaneko partida jokatu zuten, Arripausuetan. Partida estua jokatu zuten talde biek, baina Arkitektura finago aritu zen eta lau puntuko abantailagaz bueltatu zen etxera.
Itzulerako norgehiagoka martxoaren 17an jokatuko dute eta Durangoko klubari partidua irabaztea beste erremediorik ez zaio geratzen. Galduz gero, Espainiako Mailako bosgarren sailkatuaren aurka jokatuko lukete azken kanporaketa.
Beteranoen triangularra
Bestalde, martxoaren 12an, beteranoen triangularra jokatuko dute DRTk, Arrasatek eta Mungiak Durangoko Arripausueta zelaian, 18:00etan.