Gaur goizean aurkeztu dute Zarautzen 2026ko Itzulia Women lasterketa. Maiatzaren 15ean hasi eta maiatzaren 17an amaituko den probak etapa bat eskualdean izango du; zehazki bigarren etapa. Maiatzaren 16ko etapa Abadiñon hasiko da eta Zornotzan izango du helmuga. Zornotzara bidean ondorengo mendata hauek igo beharko dituzte txirrindulariek: Trabakua, Milloi, Natxitua, San Pelaio eta Aretxabalgane.
