|
GAIZKA BARRAINKUA "Durangaldeko Koparen sorrerak abantailak baino ez dituela ekarriko uste dugu. Garai kopa honetako herririk txikiena izanda ere, Astro Trailegaz gure inguruan ditugun paisaiak, bidezidorrak eta Oiz mendilerroa erakutsi gura ditugu, eta Kopari eskerrak lasterketa luzeko partaideen kopurua handitu gura dugu". |
|
ZUTOIA ODRIOZOLA "Proba maiatzetik urrira aldatu behar izan dugu. Bestela, ezingo ginen Udalatxetik pasatu, sai zuriarengaitik. Hiru urtean hiru data izatea ez da egokiena eta apur bat triste geunden. Baina, orain, Kopan sartuta, geurea da azken proba. Gauza asko Elorrion erabaki daitezke. Poza eta indar handia eman dizkigu" |
|
AIERT AGIRRE "Oiz mendian txoko ikusgarriak ditugu baina beharbada ez du Urkiolako Parke Naturalak duen sona. Korrikalariak erakartzea gehiago kostatzen da. Kopagaz, parke naturalekora doazenek lasterketa gehiagotan ere parte hartu beharko dute sailkapenean sartzeko, eta onuragarria izan daiteke guretzat". |
|
NORA NARBAIZA "Aukera paregabea ematen du eskualdea ezagutzeko, lasterketa bakoitzak Durangaldeko inguru bat zeharkatzen duelako. Lasterketa guztien arteko saretzea onuragarria izango dela deritzogu. Gainera, gure lasterketaren zabalpena indartu, eta parte hartzea bultzatzeko aukera ezin hobea ere bada". |
|
IÑIGO PRADERA "Durangaldeko Koparen sorrera onuragarria izango da guretzat eta baita gainerako herrientzat ere. Kirolari esker herri eta mendi berriak ezagutzeko aukera ederra izan daiteke. 7 Pagok aurreko urtean eduki zuen harrerakin gustora geratu ginen eta, hori dela eta, aurten hobetzeko esperantzarekin gatoz". |
