Durangaldeko herrietan hainbat ekitaldi egingo dituzte gaur LGTBfobiari aurre egin eta heterosexualitatetik haragoko sexualitateak eta genero identitateak aldarrikatzeko.
- Abadiñon, adibidez, ostadar kolorearen ikurrekin ipiniko dituzte udal eraikinak. Arratsaldean, bestalde, karaoke bat egingo dute Traña-Matienan.
- Iurretako Udalak bere konpromisoa agertu du "sexu orientazioa eta genero identitatea" errespetatzeko. Arratsaldean pelikula bat emango dute Ibarretxe kultur etxean.
- Berrizen ere hainbat dira antolatutako ekitaldiak. Gaur, adibidez, antzerki obra bat egongo da: "Ave, osos!". Maiatzaren 19an, berriz, "Trans-formatzen" dokumentala.
- Zaldibarren hitzaldia eta dokumentala eskainiko dute Aldarteko kideek.
- Elorrion, Arriola Antzokiak “Lurrun Minez” antzezlana eskainiko du datorren maiatzaren 21ean, 19:00etan. Karrika antzerkia taldearen lana da, eta hiru pertsona homosexualen drama psikologiko, sozial eta sexuala jorratzen du.
- Durangon, "Lesbofobia" dokumentala eskainiko dute Andragunean, 19:00etan.