Gainera, "askatasun afektibo eta sexualaren inguruko karaokea" ere antolatu dute gaurko; 17:00etan egingo dute, AbadiñoSexen bulegoan(Trañabarren 5, Matiena). "LGTBIQ+ pertsonek jasaten duten estigmari eta diskriminazioari dagokionez, isiltasunarekin amaituko duen gizarte bat eraiki ehar dugu. Sentsibilizazio-ekimenak bultzatzen jarraituko dugu, berdintasuna, LGTBIQ+ kolektiboa ikusaraztea eta sexu orientazioarengatiko eta genero adierazpenarengatiko edozein diskriminazio, gorroto edo indarkeria mota desagerraraztea sustatzeko", azaldu du Rosa Miguel Berdintasun eta Aniztasun zinegotziak.