Iguria auzokoei erantzun bat emateko Elorriko Udalagaz batzartu dela esan du Imanol Pradales diputatuak

Iguria auzokoen eskariak aztertu eta erantzun bat emateko Elorrioko Udalagaz batzartu direla azaldu du Imanol Pradalesek, Azpegiturak eta Lurralde Garapen diputatuak, Bizkaiko Batzar Nagusietan. Era berean, azaldu du, Eusko Jaurlaritzak abidura neurtzeko radarrak jarriko dituela Trabakua gainean, Mallabian.

N-636 errepidean, Elorrioko saihesbidea amaitzen den bidegurutze inguruan hainbat istripu larri gertatu izan dira autoak abiadura handian pasatzen direlako eta bertan dagoen Iguria auzokoak kezkatuta azaldu dira. Pradalesek batzar nagusietan azaldu duenez, argiteria hobetu du errepide horretan eta seinaleztapena. Udal arduradunek ere batzartu direla gaineratu zuen.

Bestalde Trabakuan jarritako abiadura neurtzeko radarrekin ezbehar-kopurua jaitsi gura dute, Azpegiturak eta Lurralde Garapen diputatuaren berbetan. 

Bizkaiko Alderdi Popularraren eskariz eman zituen argibide hauek Pradalesek, atzo, Bizkaiko Batzar Nagusietako Azpiegitura eta Lurralde Garapeneko Batzordean.

Erlazionatuak

Elorrioko hainbat herritar Kanpazerrarako bidegurutzean kontzentratu dira gune hartako arriskuak salatzeko

Elorrio

Bidegurutze hartan hainbat istripu larri geratu izan dira.
Iguria auzorako sarbideagaz udalak duen "utzikeria" salatu du Elorrioko EAJk

Elorrio

Iguria auzoa gobernu taldearen agendan ez dagoela salatu du EAJk. 
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.