N-636 errepidean, Elorrioko saihesbidea amaitzen den bidegurutze inguruan hainbat istripu larri gertatu izan dira autoak abiadura handian pasatzen direlako. Zonalde hartan dagoen Iguria auzokoak kezkatuta daude egoerarekin, Udalazpi izeneko elkartean batu dira eta gaur goizean bidegurutzean kontzentratzera deitu dute. Elkarteko kideak eta, oro har, Elorrioko hainbat herritar batu dira bertan protesta egiteko. Bidegurutze hartako arriskuez ohartaraztea eta segurtasun neurriak eskatzea izan dute helburu.