Eskola Agenda 21: aurtengo ikasturtean, elikadura zirkularra bultzatzeko proiektuak garatu dituzte Durangaldeko 14 ikastetxetan

Amankomunazgoak sustatuta, eskualdeko sei udalerritako hamalau ikastetxe aritu dira aurten Eskola Agenda 21eko programan: Abadiño BHI eta Zelaieta LH, Berriz BHI, Ibaizabal ikastola, Frai Juan Zumarraga institutua, Nevers ikastetxea, San Antonio ikastetxea, Landako LH, Jesuitak, Elorrio BHI, Txintxirri ikastola, Maiztegi eskola, Juan Oroibiogoitia BHI eta Zaldibar LH. Elikadura zirkularraren gaia landu dute, ingurumenaren egoerari buruzko kontzientzia sortzeko motibo lez. 

Ikastetxeetan euren proiektuak garatzetik aparte, ikasleek konpromiso eta proposamenen zerrendak eraman dituzte udaletan eginiko foroetara, eta udal ordezkarien aurrean aurkeztu dituzte. Gero, politikariek udalean eginiko lanaren balorazioa egin dute ikasleen aurrean. 

"Benetako lankidetza"
Aitor Lopez Amankomunazgoko presidenteak ekimenaren balorazio positiboa egin du. “Guretzat oso interesgarria da ingurumen gaiak umeekin lantzea. Eskola Agendak benetako lankidetza eta inplikazioa lortzen ditu mankomunitatearen, udalen eta eskolen artean, eta pozik gaude urtero egiten ditugun lanketekin”, adierazi du presidenteak. 

Erlazionatuak

Elorrioko Institutuan ortuko lana hautazko ikasgai modura edukiko dute ikasleek

Elorrio

Elorrioko Institutuan ibilbide luzea dute ingurumenari buruzko gaietan. Eskola Agenda 21etik aparte, eskola jasangarrien IRAES sarean eta Fridays F...
Ikasleek landatu eta zaindutako letxugak jan dituzte Iurretako Maiztegi eskolako jaian

Iurreta

Maiztegi herri eskolan aspaldidanik daukate ortua, eta, batez ere, ikasle nagusiek erabili izan dute. Baina aurten Eskola Agenda 21eko gaia elikadu...
Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.