[ARGAZKI GALERIA] Metalgintzako manifestazioan 5.000 lagun inguru batu dira Durangon

Tentsio handiko goizaren ostean, metalgintzako beharginek herrialde mailako manifestazioetako bat egin dute Durangon; bestea Sestaon izan da. Mobilizazio jendetsua izan da, eta amaieran gaur goizeko gertaerak salatu dituzte. Ordu erdiko eserialdia egin dute atxilotutako grebalari biak askatzea eskatzeko.

"Patronala beldur da, ondo gabiltzalako. Bestela ez dago ulertzerik gaur Durangaldean gertatu dena. Patronalak bere piketeak bidali ditu grebalariak atxilotzeko", kritikatu dute manifestazio amaierako ekitaldian. 

ELA, LAB, CCOO, UGT, ESK, CGT, USO eta CNT sindikatuek deitu dute grebara, eta bihar izango da orain arte iragarritakoen azken eguna. Bihar Bilbon egingo dute manifestazio bateratua.

Erlazionatuak

Ertzaintzak metalgintzako bi grebalari atxilotu ditu Zornotzan gaur goizean izandako protestetan

Zornotza

Ertzain bati eraso egin izana egozten diete bi grebalariei. 
Metalgintzako grebalariek barrikadekin itxi dituzte Trabakua eta Kanpazarreko errepideak goizaldean

Durangaldea

Errepide biak itxita egon dira denbora batez. Suhiltzaileek dagoeneko erretiratu dituzte barrikadak eta trafikoa normaltasunera itzuli da.