Normalean itzalean geratzen da euren lana. Irizpide batzuei jarraituta, ardura zaila dute bertsoak epaitzen. Euren artean sintonia lortzeko, entrenamenduak ere egiten dituzte. Azken txanpara heldu dira orain. "Presio apur bat gehiago egon liteke. Baina, azken finean, saio guztiak dira beharrezkoak finalera ailegatzeko". Epaile lez bigarren finala izango duen Miriam Juaristiren berbak dira. Gustu eta eraginen gainetik, euren lana hoztasunez hartzen dutela dio. "Argi dugu zein den gure lana".
Juaristi eta Etxanobe 2014an hasi ziren epaile zereginetan, hainbat sariketatan. Epaileak epaituak edo behatuak bihurtzen dira sarri. Baina Etxanobek dio kontzentratuta egoten direla. "Normalean ez dizu astirik ematen jendeari begiratzeko".
Txapelketan gustura ibili direla dio aurretiaz final bitan parte hartu duen Jon Jaiok. "Alerta egon behar duzu, beste era batera entzuten dituzu bertsoak, baina polita ere bada".
