anboto.org

Azkenean Bizkaia Durango-Euskadi Murias taldeari Emakumeen Biran parte hartzeko gonbita bidaliko diote

  Kirolak  Durangaldea

Sopela taldeari ere gonbita bidaliko diotela jakinarazi dute Birako antolatzaileek.

Talde biak hasierako zerrendan sartu ez izanak hautsak harrotu zituen. Azkenean, Birako antolatzaileek ohar batean informatu dutenez, Bizkaia Durango-Euskadi Murias eta Sopela taldeek “dagokien gonbidapena jasoko dute epeen barruan”.

Aurtengo aldiko lau lasterketen ibilbideak “laster” jakitera emango dituztela azaldu dute.

Bestelako datuak ere eman dituzte ohar berean. 2019ko Bira maiatzaren 16tik 19ra izango da, Women World Tourreko egutegian jarraituko du eta Bilboko udaletxeagaz “ahozko akordioa” lotu dute Bira Bizkaiko hiriburuan hasi dadin. Iurretak eta Arrasatek beste etapa bana hartuko dituzte.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa