Berriz eta Zaldibarko tren erabiltzaileei dirua bueltatuko diete, eremu aldaketaren kalteagatik

Bizkaiko Garraio Partzuergoak udalei jakinarazi dienez, Berriz eta Zaldibar maiatzaren 12an bueltatuko dira laugarren zonaldera. Bonuak dituzten erabiltzaileei egunotan aldaketagatik sortutako gainkostua bueltatzeko prest dago partzuergoa.

Maiatzaren 12a baino lehen ateratako bonuak dituztenek, zonifikazio aldaketak ekarritako gainkostua erreklamatu ahalko dute. barikctb@cotrabi.eus helbidera mezu bat bidali beharko dute, ondorengoak erantsita: titulua kargatuta duen txartelaren titularraren izena eta abizenak; Berriz edo Zaldibarko udalerrietan erroldatuta dagoela egiaztatzen duen ziurtagiria; eta titulua kargatuta duen Barik txartelaren zenbakia.

Laugarren zonaldera bueltatzea ez da behin-betikoa, Bizkaiko Mugikortasunerako Agintaritzak azterketa orokor bat egin bitartekoa baizik. Udalek prentsa oharrean esan dute lan horren jarraipena egingo dutela, eta berriro ere eskerrak eman dizkiete herritarrei mobilizazioetan parte hartzeagatik. 

Erlazionatuak

Trenaren tarifikazioan Berriz eta Zaldibar laugarren gunera pasa dituzte berriro

Durangaldea

Bizkaiko Foru Aldundiko ordezkariak Berrizko Udal arduradunekin batzartu dira gaur. Prentsa oharrean azaldu dutenez, hilaren amaieran gauzatuko da ...
Tarifikazio berriaren kontra trenak gelditu dituzte Berriz eta Zaldibarren

Berriz Zaldibar

Berriz eta Zaldibarko herritarrek tarifikazio eta zonifikazio berrien kontra protestan jarraitzen dute.
"Trenaren tarifikazioaren inguruan hartzen dituzten erabakien aurrean adi egongo gara"

Durangaldea

Berrizko eta Zaldibarko alkateek trenaren tarifikazioaren inguruko azalpenak eman dizkiete herritarrei, gaur arratsaldean, herri bakoitzean egindak...