Gauean botatako euriaren eraginez, Elorrion, Argiñetako garaje bat urez beteta aurkitu dute gaur goizean. Suhiltzaileek berehala konpondu dute arazoa. Bestalde, suhiltzaileek Iurretako errekako kanal bat libratu dute gaur goizean.
Istripu larriak
Istripu larria gertatu da gaur eguerdian, Autzaganen, Zornotzan. Kotxe eta kamioi baten arteko istripuaren ondorioz, kotxea trenbidera erori da. Autoan zihoazen bi pertsonak harrapatuta gelditu dira eta suhiltzaileek atera dituzte. Zaurituak ospitalera eraman dituzte.
Beste istripu larria atzo gertatu zen, 20:25ean, N-634 errepidean, Mallabiena industrialdean, Iurretan. Bi autoren arteko istripuaren ondorioz N-634 errepidea itxi egin zuten bi norazkoetan. Ibilgailu bateko gidaria kotxean harrapatuta gelditu zen eta suhiltzaileek atera behar izan zuten. Zauritua Galdakaoko ospitalera eraman zuten.
Larrialdi zerbitzuek azaldu dutenez, amaitu da abisu horia euri iraunkorragatik, baita itsasaldeko arriskuagatik ere. Hala ere, ostiralerako abisu horia aktibatu dute itsasaldeko arriskuagatik eta elurragatik.
