Horrez gainera, urez bete da garaje bat Otxandioko Urigoiena auzoan. Mallabian, berriz, Intxurti auzoan hartu ditu urak hainbat garaje. Bertan izan dira suhiltzaileak.
Abadiñon ere sartu da ura garaje baten, eta baserri baten ere eragin ditu kalteak urak SOSDeiak-ek zabaldu duenez. Suhiltzaileak Astolan kokatutako baserri batetik bertan zeuden elbarrituei irtetzen lagundu diete.
Egoerak hobera egin duen arren, Iurretan, Ibarretxe kultur etxeko sotoan ere sartu da ura.
Izurtzan, berriz, ur putzuen eraginez autoak geldirik egon dira iluntzean. Berrizko Murgoitio auzoan ere eragin ditu kalteak euriak.
Ibaien maila marra gorrian
Euskalmet euskal metereologia agentziak zabaldu duenez, Ibaizabal ibaia maila gorrira heldu da Zornotzako estazioan. Otxandion ere marra gorrian daude.
