Inauterietan badira herririk herri jaiaren piper eta gatz izaten diren taldeak. Durangon surrandien konpartsak girotuko ditu kaleak bihar, eguerdiko triki-poteoagaz hasita. 18:00etan Plateruenean batzeko deialdia egin dute, txokolate beroa jan, eta motorrak berotzen hasteko. Handik irten, eta hartzagaz batera kalerik kale ibiliko dira dantzan, Tabira Musika Bandakoekin eta Jaizale taldeko txistulariekin. 20:00etan Andra Mariko elizpean amaituko dute kalejira hori. Zelan ez, surrandien maskarak jantzita egingo dute ibilbide osoa. Maskarak auzolanean egin dituzte, herritarrei zabaldutako tailerretan.
Surrandien konpartsa tradizonala da Durangon, baina, luzaroan irten barik egon ostean, duela zenbait urte berreskuratu zuten.
Zornotzan, Perubele
Zornotzan, gaur irtengo da kalera Perubele, inauterietako pertsonaia gaiztoa. Ikasleek egin dute txorimalo itxura eta bele formako burua daukan panpina. Jaiari amaiera emateko, martitzenean erre egingo dute Perubele, aurretik kalejiran ibili ostean.
2015 ots 17 Durangaldea
2015 ots 13 Durangaldea
