2010ean sorturiko hirukotea da The Mocker's: aurretik Durangoko Cuarto Asalto taldean jardundakoak dira Gartzi eta Asier taldekideak, eta Elorrioko Old Glories taldean aritutakoa Ritxi.
2011an Anbotori eskainiriko elkarrizketan azaldu zutenez, "misterio handirik" bako hasiera izan omen zen The Mocker's-ena: "Rocka gustuko duten hiru gazte batzea ez da gaitza. Elkartu, proba egin eta ondo sentitu ginenez, aurrera jarraitu genuen".
Durangaldeko II. Maketa lehiaketara 26 talde aurkeztu dira. Bederatzi taldek lortu dute bigarren faseko kontzertuetan parte hartu ahal izatea; eta The Mockers, Hozten eta Orion Child izan dira hiru talde finalistak.