"Euren politika ez da ekologikoa, ez berdea, ez iraunkorra". Eider Uribe zinegotzi durangarraren berbak dira. Frackinga, AHTa eta harrobiak ipini ditu adibide EAJren politika "suntsitzailea" dela esateko. Oskar Matute legebiltzarkideak adierazi du Euskal Herria "porlanezko orbainez" betetzen ari direla politika horren ondorioz. "Gure inguru naturala suntsitzearen aldeko apustua egiten dute frackingaren bitartez", jarraitu du Matutek.
Kritikatu dute gaur jeltzaleak eta Eusko Jaurlaritzakoak propagandarako argazkia ateratzera joan direla Berdeago azokara. "Iraunkortasuna asteburu bateko pegatina legez erabiltzen dute, baina berez,gainetik jartzen dituzte ingurumenaren bizkar mozkina bilatzen duten enpresen interesak".
