Atxondoko txistulariek izango dute aurten jaiei hasiera ofiziala emateko ohorea. Ane Diez, Arantza Berriozabalgoitia eta Maria Baseta dira datorren martitzenean udaletxeko balkoitik txupinazoa jaurti eta pregoia irakurriko dutenak. Ane eta Maria DBHko ikasleak dira. Txistua jotzeko zaletasuna ere badute, eta Arantza irakasle dute. Hirurek “ilusioz eta urduritasunez” hartu dute txupinazoa jaurtitzeko ardura.