Atzo Zaramagako pilota txapelketako finalak jokatu zituzten. Gazte mailako finala Faben Ituarte atxondarrak jokatu zuen Telleriarekin bikotea osatuz. Lazkaoko Lapke taldean dabiltza biak. Seinako berdinketaren ostean partidua aldapa gora jarri zitzaien eta aurkariek, Beitiak eta Arroitak, abantaila polita hartu zuten : 12-18. Orduan, gorrien erreakzioa heldu zen eta markagailua irauli zuten, amaiera estu-estuan txapela janzteko: 22-20.
Seniorretan Zubeldiak eta Garmendiak jantzi zuten txapela eta elite mailan Mendizabal III.ak eta Bolinagak.