Abadiñoko sokatira taldea ondo egindako lanaren aldarteaz itzuli da udalerrira. Sokatira taldeko neska-mutilak Lesakan izan ziren atzo, Euskal Herriko goma gaineko txapelketako finala jokatzen.
Bai emakumeek bai gizonezkoek maila bikaina erakutsi zuten. Emakumeen taldeak laugarren lekua eskuratu zuen 540 kilora arteko pisuan; gizonezkoak azpitxapeldun gelditu ziren, 640 kilora artekoan. Bai kategoria batean eta bestean, txapelak talde anfitrioiak irabazi zituen, Lesakako Beti Gaztek.
Honela gelditu ziren sailkapenak:
Emakumeetan:
- Beti Gazte (Lesaka, Nafarroa)
- Ibarra (Gipuzkoa)
- Txantrea (Iruñea, Nafarroa)
- Abadiño
- Badaiotz (Araba)
Gizonetan:
- Beti Gazte (Lesaka, Nafarroa)
- Abadiño
- Ñapurrak (Ezpeleta, Lapurdi)
- Zuraide (Lapurdi)
- Txantrea (Iruñea, Nafarroa)
- Ibarra (Gipuzkoa)
