Abadiñoko Udalak omenaldia egingo die egun honetan, otsailak 15, Abadiño Sokatira Taldekoei. 19:00etan izango da, Probalekuan. Eta udaletik herritarrei bertaratzeko deia egin diete.
"Taldeak ohituta gauzka dominetara, baina arrakasta hori lan luze, iraunkor, diziplinatu, ilusionagarri eta profesionlaren emaitza da. Arrakasta handia da taldearentzat eta Abadiñorentzat, sokatiran mundu mailan erreferentea den gure herri txikiarentzat, harro egoteko motiboa", azpimarratu du Mikel Urrutia Abadiñoko alkateak.
Bestalde, Rafa Bilbao kirol zinegotizak harrobia zaindu behar dela azpimarratu du. "Badugu harrobia, eta hori zaindu eta baloratu egin behar dugu. Abadiñon tradizioa duen kirola da, eta babestu eta euren lanarekin jarrai dezaten apustu egin behar dugu", gaineratu du Bilbaok.
![[BIDEOA]: Abadiño Sokatira Taldeko kideei ongietorria egin diete Loiuko aireportuan](https://anboto.tok-md.com/argazkiak/LZP/cache/1707810044_tokikom_735x413.jpg)