Honako hau irakurri daiteke elastikoan: "Oier! Mekanikoa %100. Gure botere isila. Bizikleta guztiak beti ordena ezin hobean. Eskerrik asko!". Casado bera ere esker oneko dago. "Detaile oso polita da. Ez da lehenengo aldia. Lasterketetan erabiltzen dituen elastikoak gorde egiten ditu horrelako gauzetarako. Tourra irabazi zuenean ere berdina egin zuen", gogoratu du.
Casadok lau-bost urte daramatza Movistar Team taldean. Normalean gizonen taldearekin aritzen da, baina urtero emakumeen taldearekin bi-hiru lasterketa egiten ditu, tartean itzuli handi bat. Oraingo hau bere ibilbidean irabazten duen lehenengo Giroa da. Beste behin, 2012an, bigarren amaitu zuen, Katusha taldearekin eta Joaquim 'Purito' Rodriguez txirrindulari ohiarekin.
27 urteko ibilbidean, talderik onenetan aritu da lanean. Itzuli handi bat non, han ibili da Casado: Giroan 14 bider izan da, Vueltan 12 bider eta Tourrean 7 bider.
(Bideoa: @Movistar_Team)