Abadiñoko Zezenak Saskibaloi Kluba da izen ofiziala, baina 'Matienako Bulls' ezizenagaz ere ezagutzen dituzte —NBAko frankizia ezagunari erreferentzia eginez— eta aurten ohore egin diote izenari zezenen pare ibili direlako. Gizonen taldeak mailaz igotzea lortu du seniorren bigarren mailako hirugarren tokian geratuta eta asteburuan Lauko Finala jokatuko du. Ez da lorpen makala, orain hiru urte sortu zuten klubarentzat.
Ligako txapelduna Bilboko Berriotxoa kiroldegian erabakiko da. Abadiñok Patronato taldearen kontra jokatuko finalerdia, zapatuan, 16:00etan. Segidan Txurdinaga eta Txiki taldeen arteko partidua hasiko da. Bi talde irabazleek domekan, 17:00etan, jokatuko dute finala.
Emakumeen taldea
Emakumeen taldea gizonena baino berriagoa da. Iaz sortu zuten eta aurten lehenengoz parte hartu du liga txapelketa batean. Hurrengo denboraldiari begira jokalari berrien bila dabiltza taldea sendotzen jarraitzeko. Taldera batzera interesatuta daudenak instagram-eko kontuaren bidez jarri daitezke harremanetan klubeko arduradunekin: @matienako_bulls.
