Abadiño Sokatira Taldeko tiralari gazteak munduko txapelketa bikaina egiten ari dira Belfasteko —Ipar Irlanda— munduko txapelketan. Atzo, 23 urtez azpiko talde mistoa munduko txapeldun geratu bazen, gaur urrezko beste domina bi irabazi dituzte adin tarte horretan.
Lehenengo, Abadiñoko eta Berriozarko launa tiralarik osatutako nesken taldeak 500 kilora arteko txapelketa irabazi du. Ondoren, Abadiñoko mutilen taldea 600 kilora arteko finalean nagusitu zaio Irlandako talde bati, tiraldi lehiatuen ostean.
Arratsaldean, Abadiñoko seniorretako talde mistoaren txanda izango da.
