Egunotan munduko sokatira txapelketa lehiatzen ari dira Belfasten eta hantxe dabil Abadiño Sokatira Taldea. Gaur urrezko domina bat irabazi du Abadiñoko talde mistoak (lau neska eta lau mutil). 23 urtez azpiko mailan eta 560 kilora arteko pisuan izan da. Berriozarren kontra lehiatu dute finala.
Goizean, Abadiñoko nesken taldeak 500 kilora artekoan parte hartu eta zortzigarren amaitu du. Arratsaldean, mutilak 600 kilora artekoan ibiliko dira. Bihar goizean, 23 urtez azpikoek tiraldi gehiago izango dituzte; arratsaldean senior mailako talde mistoak izango ditu tiraldiak, besteak beste.
