Asteburuan XLIV Jaizkibelgo igoera jokatu da, Euskal Herriko Mendi Txapelketako proba, eta bertan Igor Urien abadiñarrak bigarren postua lortu du. Urienek Citroen AX autoagaz lehiatu zuen eta irabazlearengandik, Bruno Schererrengandik, 7 dezimara gelditu zen. Hirugarren postuan Alberto Marcos sailkatu zen.
Asteburukoa Urienen denboraldiko bigarren lasterketa izan da, eta denboraldiko bigarren podiuma lortu du. Aurretik, iraileko lehenengo asteburuan, hirugarren postua eskuratu zuen Jatako igoeran.