12 laguneko talde bi WOP Challenge-n parte hartzen ari dira asteburu honetan. Probako 19 etapak -226 kilometro korrika- erreleboka ari dira egiten, Bizkaia zeharkatu eta Bilbon amaituko den lasterketan. Bertan parte hartzen ari diren kideetako batzuk Traña-Matienakoak dira. Batzuk, Taberna Zarra taldekoak; beste batzuk, Motozain taldekoak. Erronka WOP proiektuaren baitako egitasmoa da. Batutako dirua gaixotasun neurodegeneratiboetara bideratzen dute.