Joan zen barikuan ere hainbat auzokide batu ziren Irazolako zubiaren inguruan, momentu hartan botako zutelakoan. Baina, makinak ez ziren agertu. Zubiaren eraisketaren aurkako sinadura bilketa egin zuten zapatuan.
Gaur goizean auzokideak bertara joan dira berriro. Bertan dira Ertzaintzaren patruilak eta baita zubia botatzera doazen beharginak ere. "Eraiste honen ondorioz kamioien joan-etorria etengabea izango da noranzko bakarreko errepide batean, eta gainera, bizilagunentzako ez dago segurtasun neurririk aurreikusita", diote auzokideek. Zubi hori Elorrio-Durango trenbidearen zatia da.
