Emaitza argia zen. Tiroketen eraginez, Carsten Woolf Harling hegazkinlarien lehen tenientea hil zen, eta gudariek gainerako hiru naziak harrapatu zituzten. Horietariko hegazkinlari bat, Paul Freese kapitaina, egun batzuk geroago Bilboko ospitale militarrean hil zen, tiroketako zaurien eraginez. Beste biak Walther Kienzle eta Godofredo Schulze Blanck tenienteak ziren. Bilboko Larrinaga kartzelan espetxeratu zituzten. Urte batzuk geroago, frankistek monolito bat ipini zuten Urkiolan, tiroketa izan zen tokian bertan, hildako hegazkinlariak ohoratzeko. Hilarriko inskripzioak alemanez idatzita zeuden.
1979ko ekaineko osoko bilkuran adostutakoagaz bat eginda, baina, monolitoa birrindu egin zuten. Borrak eskuan hartuta txikitu zuten hilarria, udaltzainek eta zinegotziek. Dena dela, hilarriaren arrastoak ikusgai daude oraindino.