2020ko ekaina amaitu arte Espanyol taldeko futbol jokalaria izango da Ander Iturraspe abadiñarra. Akordioa beste urtebetez luzatzeko atea irekita utzi dute, klub kataluniarrak bere webgunean informatu duenez.
Iturraspek gaur goizean gainditu du mediku-azterketa eta arratsaldean bere taldekide berriekin entrenatuko da. "Etapa berri honi ekiteko gogotsu eta ilusioz nago", adierazi du Iturraspek bere sare sozialetan.
Futbolari abadiñarra joan zen hile amaieran geratu zen libre, Athletic-ekin zuen kontratua amaitu ostean.