anboto.org

“Indartsu aurkitu naiz Tor des Geants lasterketan eta azken zatian dena eman dut”

  Kirolak  Abadiño

Silvia Triguerosek Tor des Geants lasterketa irabazi du eta lasterketak utzi dizkion sentsazioak azaldu ditu.

“Indartsu aurkitu naiz Tor des Geants lasterketan eta azken zatian dena eman dut”
Silvia Trigueros Tor des Geants probako une batean (Argazkia: Tor des Geants) | Ikusi handiago | Argazki originala

Probako partzailetan aurrez kalkulatutako denborak hobetzen joan dela adierazi du. “Igoereten indartsu aurkitu naiz. Gainera, maiatzetik hona orkatilan sentitzen nuen minik ez dut sentitu eta jaitsieretan korrika egiteko modua  izan dut”, adierazi du.

Arazorik handienak sabelarekin izan ditu. “Ez zitzaidan ezer sartzen eta neure burua jatera behartu behar nuen”. Senarrak egindako patata tortillak izan dira bere elikagai nagusia eta ia bakarra kilometro askotan.

Azken txanpan 88 ordutik jatsi zitekeela ikusi du.  “Indartsu sentitzen nintzenez ia esprintatzen amaitu dut. Azken zatian dena eman dut”.

Hurrengo bi-hiru asteetan atseden hartuko du. Ostean, asfaltoko lasterketak egingo ditu, 10-15 kilometroko probak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa