Aizkorriko magalak jendez bete dira beste behin, mendi lasterketetako proba garrantzitsuenetako bat jarraitzeko. Oihana Azkorbebeitiak seigarren postuagaz konformatu behar izan du. 5 kilometroren faltan jausi egin da, eta okotsa odoletan zuela helmugaratu da. Bertan, Gurutze Gorrikoek artatu dute.
Azkorbebeitiaz aparte, Erlantz Zaldunbide iurretarrak eta Arkaitz Iturriagaetxebarria abadiñarrak ere parte hartu dute lasterketan, besteak beste.