Ilara luzeak eragin zituen atzoko ekitaldiak. Futbol eskolako eta futbol taldeetako gazteak taldeka hurreratu ziren Iturraspe eta Boveda zeuden mahaira eta eurek sinatutako albumak jaso zituzten. Askok baloiak, oinatakoak, motxilak eta kamisetak (Athletic Club-ekoak batez ere, baina baita Eibarreko pare bat ere) eraman zituzten futbol jokalari biek sinatu zitzaten: "Sekula ez dut hainbeste autografo sinatu", adierazi zuen gaztetxoz inguratuta zegoen Bovedak. Aurrerantzean kromoak sei establezimendutan egongo dira salgai: Durangoko Etxebarria liburudenda eta Txatxangorri janariak, Traña-Matienako Zure Denda eta Petite liburu denda, Muntsarazko Gozokars eta Astola futbol zelaiko tabernan.