Tornosolo Kopako finala bariku honetarako zegoen iragarrita, baina hilaren 14ra atzeratzea erabaki dute.
Euskadiko Pilota Federakuntzatik jakinarazi dutenez, bariku honetan jokatzeko zen Ander Antxia abadiñarraren eta Mikel Gonzalez berriztarraren arteko finala abenduaren 14ra atzeratu dute. Data arazoak izan dituzte. Esaterako, Cafes Baque pilota txapelketako finalak egun berean jokatzen ziren eta gurago izan dute trinketeko lehia atzeratu.
Finalaren aurretik atariko partidua dago programatuta eta, aurreratu dutenez, Waltary pilotari kubatarra etorriko da.