Bertan behera utzi zuen Jose Luis Navarro alkateak, Udalaren Uren Partzuergorako sarrera eztabaidatzeko aurreikusi zuten atzoko udalbatzarra. Hurrengo plenoa ateak itxita egingo dutela iragarri zuen alkateak.
Aurretik, publikotik udalbatzarra bideoan grabatzen zebilen herritar bati grabatzeari uzteko eskatu zion alkateak; “udal honetako gehiengo politikoak ez du grabatzerik nahi” argudiatu zuen. Herritarrak, abadiñarrek “udaleko erabakien berri izan dezaten” grabatzen jarraituko zuela erantzun zion.
Aulkitik altxatu, plenoa bertan behera utzi, eta hurrengo plenoa —besteak beste, Abadiño Ur Partzuergoan sartu ala ez eztabaidatzeko deitutakoa— ateak itxita egingo dutela iragarri zuen Jose Luis Navarro alkateak.