[EGITARAUA] Zornotzako Udalak azaroaren 25erako prestatu duen egitaraua aurkeztu du

Aritz Maldonado
Deskargatu Info Ahotsak :

Ainhoa Salterain alkatea, eta Jon Artabe eta Alicia Hernandez Cid zinegotziak. 

Egitarau oparoa antolatu du Zornotzako Udalak azaroan zehar indarkeria matxistaren aurkako sentsibilizazioa sustatzeko. "Indarkeria matxistaren aurkako borrokak konpromiso sendoa eta etengabea eskatzen du, azaroaren 25etik harago. Udaletik berdintasuna, prebentzioa eta sentsibilizazioa sustatzeko ekimenak bultzatzen jarraituko dugu, emakumeen aurkako indarkeriarik gabeko udalerria eraikitzea guztion ardura baita", azaldu du Ainhoa Salterain alkateak. 

Udalak, bestalde, elkarte feministek deituko dituzten manifestazio eta ekintzetan parte hartzera gonbidatu gura ditu herritarrak.  

  • Azaroak 16, 'Es la violencia estetica una violencia machista?' hitzaldia, Zelaietan, 18:30ean. 
  • Azaroak 17, Literatura eta feminismoa hitzaldia Garazi Albizua eta June Fernandezekin, 18:30ean, liburutegian. 
  • Azaroak 19, Las mujeres y la politica hitzaldia Nuria Varelaren eskutik, Zelaietan, 18:30ean. 
  • Azaroak 20, Biolentzia Obstretikoa hitzaldia, Nahia Alkortagaz, Zelaietan, 18:30ean. 
  • Azaroak 21-22, mahai jolasen jardunaldiak.
  • Azaroak 23, Emakumeen aurkako indarkeria digitala hitzaldia, Esibaliz Linares, Naiara Najera, Olatz Martinez de Ibarreta eta Alize Etxeberriagaz. Sheila Melconen egingo ditu dinamizatzaile lanak; Zelaietan, 18:30ean. 
  • Azaroak 24, Salud y nutricion frente a la tirania del cuerpo, Toscana Viar Athletic Clubeko eta Espainiako futbol selekzioko nutrizionista, Zelaietan, 18:30ean. 
  • Azaroak 25, elkarretaratzea, herriko plazan, 12:00etan; 17:00-20:00 gaztetxoko eta ludoteka. 
  • Azaroak 27, Hall game kutxa: ziklo menstruala, gaztetxokoan, 18:30-20:00. 
  • Azaroak 28, Gauero: Gau Morea, 20:00-22:30. 

Gizartea Zornotza
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!