Udalak udako denboraldia atzeratu behar izan zuen "errekan eraginik ez izatea bermatzeko eta ingurumen
irizpide guztiak betetzeko". Izan ere, arazoak topatu zituzten kloroaren hustuketan, uraren deklarazioan eta igerilekua ireki ahal izateko beharrezko izapideetan. Alabaina, orain, "instalazioak osorik eta seguru daudela bermatuta", barikuan zabalduko dituzte igerilekuak.
Udalak emandako informazioaren arabera, igerilekuak irailaren 13ra arte egongo dira zabalik honako ordutegi hauetan: 11:00etatik 21:00etara (astelehenetik zapatura) eta 20:00etara arte domeka eta jaiegunetan. Irailean, 12:00etatik 19:00etarako ordutegia egongo da.