Ikastaro eskaintza zabala Zornotzako KZ Gunean

Zornotzako KZ Guneak prestakuntza digitaleko hainbat ikastaro antolatu ditu ekainerako. Honako gai hauek landuko dituzte: smartphone eta tableten oinarrizko erabilera (ekainak 1-5), LibreOffice Calc (ekainak 8-10), Instagram (ekainak 11-12), interneten nabigazioa (ekainak 15-26) eta smartphone bidezko argazki edizioa (ekainak 29-30). Saio gehienak goizez izango dira, 09:00etatik 11:00etara.

Interesatuek Zelaieta zentroko KZgunean bertan, 944 033 303 telefono zenbakian edo www.kzgunea.eus webgunean kontsulta ditzakete xehetasunak eta plazen erabilgarritasuna. Zornotzako KZ Gunea Zelaieta zentroan dago.