Zornotzako Udalak parte hartze bidezko prozesua ipini du martxan, Amorebieta-Etxano Lagunkoia proiektuaren barruan. Programak pertsona nagusien ongizatea, autonomia eta parte hartzea hobetzea du helburu, besteak beste, espazio publikoa, garraioa, segurtasuna eta komunitate sarea kontuan hartuta. Hamar lan-saio egingo dituzte guztira. Orain arte 26 lagunek osatu dute talde eragilea (17 emakumek eta 9 gizonek).
Egitasmoko kideak iritzi eske dabiltza diagnostikoa hobetzeko. Hori dela eta, inprimaki bat ipini dute 60 urtetik gorakoen eskura. Maiatzaren 31n amaituko da iritziak bidaltzeko epea.