Bereziki mingarria izan zen azken hori, Zaragozako filiala hamar jokalarigaz aritu zelako lehenengo zatiaren amaieratik. Bigarren zatia indartsu hasi zuten eta aukera argiak huts egin zituzten, baina ezin izan zuten irabazi etxean, zaleen aurrean.
Testuinguru horretan egingo diote bisita domeka honetan Errioxako CD Alfaro taldeari. Azkenengo sailkatuaren kontra lortu ezin izan zuten garaipena azken-aurrekoaren kontra lortzen ahaleginduko dira. SD Amorebieta hamargarren tokian sailkatuta dago une honetan, eta kasik goiko postuak bezain gertu ditu behekoak. Beraz, asteburuko emaitzak argituko du hurrengo jardunaldietan gora ala behera begira ibiliko diren zornotzarrak.