[ORDUTEGIA] Hau izango da Zornotzako Musikagaz Fest jaialdiko ordutegia

A. M. 2026ko urtarrilaren 12a

Urtarrilaren 31an Zornotzan ospatuko da musika sortzaile gazteak batzen dituen Musikagaz Fest jaialdia. Bertan emanaldia eskainiko dute, besteak beste, Silitia, Etxepe edo Sua taldeek; jaialdia borobiltzeko, Jonkass zornotzarrak kontzertua eskainiko du 23:30ean.

Musikagaz Fest jaialdiaren laugarren edizioa izango da hau. Ekimena, Zornotzako Udalak, Gerediaga elkarteak, Zornotzako Gazteak, Musika Bulegoak eta Bizkaiko Foru Aldundiak sustatu dute. Kontzertuak Zornotzako gune desberdinetan egingo dira, egun osoan zehar. Kontzertuak doan izango dira.

ORDUTEGIA

13:30ean, Silitia, Arraibi plazan.
14:00etan, Sueder, Andra Mari plazan.
14:30ean, Dj Rosamari, Arraibi plazan.
15:00etan, Hondora, Euskal Herria plazan.
15:30ean, Dj Rednal, Euskal Herria plazan.
18:00etan, Etxepe, Amorebieta IV frontoian.
19:00etan, Odik, Zelaieta kontzertu gelan.
20:00etan, Uxue Kerejeta, Vintagen.
20:30ean, Maialen Ibarra, Zelaieta kontzertu gelan.
21:30ean, Sua, Amorebieta IV frontoian.
22:30ean, Sara Zozaya, Zelaieta kontzertu gelan.
23:30ean, Jonkass, Amorebieta IV frontoian.

Kultura Zornotza

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.

EGIN ZAITEZ KIDE!