Aurretik, barne trebakuntza eta sentsibilizazioa landu zituzten. Horretarako, lan taldeak ikastaro espezifiko bat egiteko aukera izan zuen, eta posta elektronikoaren bidez eguneroko "formazio pilulak" jaso zituzten langileek, enpresaren arabera. Horrez gainera, "hausnarketarako guneak" ere ahalbidetu dituzte; showroomean Emakunderen bideoa proiektatu zuten, Lantegiko sarreran kortxo bat jarri zuten, eta langileen ordenagailuetan Berdintasun taldeko kideek egindako diseinu bat jarri zen pantaila-babesleetan.
Azaroaren 25ean, gainera, minutu bateko isilunea egin zuten 14:00etan indarkeria matxistaren biktimak oroitzeko.