Filmak Aitzaki belaontzian murgiltzea proposatzen dio ikusleari, Mikel Urdangarinek eta Unai Basurko nabigatzaileak elkarrekin egingo duten bidaian. Egilearen arabera, ikus-entzunezko lana "euskal nabigazioaren erreferentearen aitorpen zintzoa" da. "Filmak Unairen balentria ozeanikoa azpimarratzen du eta urrats bat harago doa nabigatzailearen ariman sakonduz, baina hori abiapuntua baino ez da, beragandik haratago doan unibertso handiago bat ezagutzera gonbidatzen gaitu", nabarmendu dute Amura ekoiztetxetik. Hain zuzen ere, Urdangarinek berak eta Amaia Ocerinek sustatu dute ekoiztetxea, eduki "zainduak, hurbilekoak eta nortasun kultural sendokoak sortzeko" bokazioagaz sortzeko. "Amura gauzak kontatzeko dugun beharraren hedadura naturala da. Itsasora musikaren edo hitzaren bidez egin ohi dugun erantzunen bilaketa ikusizko hizkuntzara araman nahi genuen. Adiskidetasunetik eta munduari beste ikuspegi batetik begiratzeko desiotik sortutako proiektua da", azpimarratu dute ekoiztetxetik.