Zornotzako Urgozo Rugby Taldeak akordio bat lotu du babesle berri birekin, ohar batean jakinarazi duenez. Akordio honi esker, Urgozok Luolio Export-en logotipoa eramango du kamisetaren aurrealdean, Luolio Invest Holding taldeko nazioarteko logistika-operadorea den enpresarena; Global DataQuantum konputazio kuantikoaren arloko erreferentearena berriz, kamisetaren atzealdean agertuko da.
“Errugbiak elkarrekin aurrera egitearen balioa erakusten digu: sorbaldaz sorbalda eta taldearen ahaleginaz helburua lortzea du helburu. Filosofia bera da gure eguneroko lanaren oinarria Luolio Export eta Global DataQuantum-en,” adierazi du Irati Parra, Luolio Export-eko Bazkide Sortzaileak.
“Oso pozik gaude akordio honekin. Bertako bi enpresa gure kluba eta errugbiaren balioak babesten ikustea benetan pozgarria da,” gehitu du Jokin Unanue Urgozo Rugby Taldeko presidenteak.